R.B – Kaçurrelja 12 vjeçare, i pëlqen shetitjet e gjata në park e shoqëruar me terapisten e saj. Dikur lexonte fjalë duke lidhur shkronjat me njëra tjetrën, ndërsa tani lexon tregime të shkurta dhe mundohet të tregoj për përmbajtjen e tekstit. Pëlqen të shoh këndet e objekteve nga pozita të ndryshme, ndërsa është e fiksuar në ushqime të caktuara në periudha të caktuara kohore, dikur bënte kërkesa të panumërta specifikisht për pomfrit në Stamboll, e tash i mjafton edhe pica nga furra ngjitur me banesën.

Pikturën e ka pasion duke bërë kërkesë shpeshherë, i pëlqen përdorimi i ujit mbi të cilin më lehtë ngjyrat mund të shpërndahen në tërë sipërfaqen. Me lëvizjet stereotipike të brushës lart-posht në pikturë, pasqyron një teknikë unike e cila vështirë se mund të kopjohet ose modifikohet nga të tjerët. Buzëqeshjet e konfirmimet verbale të të tjerëve i ka shumë të nevojshme, e sidomos për t’ia realizuar kërkesën e saj për këngën e preferuar.