Qendra e vetme tregtare online ne Kosove

POLITIKAT E PROGRAMIT TË JOY FROM GJIRAFAMALL

Politikat e programit të Joy from GjirafaMall (këto "Politika") janë pjesë e Dokumentacionit Operativ i cili është i përfshirë si pjesë integrale e Marrëveshjes së Pjesëmarrjes, e cila përcakton pjesëmarrjen tuaj në Program. Termat me shkronja të mëdha të papërkufizuara këtu, por të përdorura në këtë dokument, kanë përkufizimet e dhëna në Marrëveshjes së Pjesëmarrjes. Politikat operative përshkruajnë ndër të tjera kërkesat dhe kufizimet të cilat duhet të zbatohen nga ju si pjesëmarrës në program. Ne rezervojmë të drejtën për të modifikuar këto Politika në çdo kohë dhe në diskrecionin tonë të plotë, ashtu siç është përcaktuar në Seksionin 9 të Marrëveshjes së Pjesëmarrjes.

Promovimi i programit
1. Në asnjë menyrë NUK iu lejohet promovimi mashtrues apo përfaqësimi jo i saktë i programit të Joy from GjirafaMall, përfshirë por pa kufizuar ato në vijim:
  - Duke shprehur apo nënkuptuar se Joy from GjirafaMall është në partneritet me ju;
  - Se ne mbështesim qëndrimin tuaj për çfarëdo çështje; apo
  - Se ne iu sponzorojmë juve apo kauzat e juaja.
2. Ju nuk do të bleni apo ofertoni për terma blerëse, fjalë kërkuese, apo ndonjë identifikues tjetër (përfshirë markat tregtare të Gjirafës ose partnerëve të saj apo ndonjë variacion të tyre), ose ndryshe të merrni pjesë në ankande të frazave në ndonjë platformë kërkuese, portal, apo ndonjë shërbim kërkues ose referues, drejtpërdrejtë apo tërthorazi, për të drejtuar trafik te Joy from GjirafaMall (përfshirë edhe vegëzat që drejtojnë përdoruesit drejtpërdrejtë ose tërthorazi në Joy.GjirafaMall.com në reklamime të tilla).
Bashkëveprimi me Joy from GjirafaMall dhe klientët e GjirafaMall
1. Ju nuk do të përdorni, kërkoni, ruani apo merrni asnjë informacion të përdorur nga klientët tanë në lidhje me Joy from GjirafaMall duke përfshirë:
  - Emrin e përdoruesit, fjalëkalimin e klientëve apo çfardo të dhënash personale.
2. Ju nuk keni të drejtë që të ndryshoni, zëvendësoni operimin (funksionin) e butonave, linkut, apo çfarëdo lloj veçorie tjetër të Joy from GjirafaMall.
3. Ju nuk do të ndërmerrni veprime të cilat mund të shkaktojnë ngatërresa në lidhje me marrëdhënien tonë me ju, si kërkimi apo inspektimi i porosive;
  1. Kilentët të cilët kryejnë blerjen e produkteve përmes Joy from GjirafaMall janë klientë të GjirafaMall, kështu që ju pranoni se nuk keni të drejtë të merrni ndonjë informacion nga klienti, sepse porositë e kryera nga klienti mund të refuzohen/anulohen, kthehen për çfarëdo arsye dhe çdo porosi e refuzuar nuk do të jetë e pranueshme për donacion.
  2. Po ashtu, në asnjë mënyrë ju nuk keni të drejtë t’i kontaktoni klientët tanë, në momentin që klientët tanë hasin në paqartësi apo kanë nevojë për ndihmë, ata duhet të kontaktojnë zyrtarët e kujdesit ndaj klientëve te Joy from GjirafaMall
4. Ndërveprimi me Joy from GjirafaMall dhe konsumatorët e Joy from GjirafaMall
  1. Ju nuk do të kërkoni, mbledhni, merrni, ruani ose përdorni në çfarëdo mënyre ndonjë informatë të llogarive që përdoren nga konsumatorët tanë në lidhje me Joy from GjirafaMall (përfshirë emrat identifikues ose fjalëkalimet e konsumatorëve të Joy from GjirafaMall).
  2. Ju nuk do të ndryshoni, ridrejtoni, kufizoni apo zëvendësoni funksionet e çfarëdo butoni, vegëze apo ndonjë veçorie tjetër të Joy from GjirafaMall.
  3. Ju nuk do të ndërmerrni ndonjë veprim që mund të shkaktoj ndonjë huti te konsumatorët sa i përket lidhjes tuaj me ne, apo me faqen në të cilën veprimet apo transaksionet ndodhin (p.sh., kërkim, shfletim, apo bërje të porosisë).
  4. Konsumatorët që blejnë përmes Joy from GjirafaMall, janë konsumatorë të Joy from GjirafaMall dhe bashkëpunëtorëve të saj, përkitazi me të gjitha aktivitetet e ndërmarra në lidhje me Joy from GjirafaMall, dhe ju pajtoheni se juve nuk ju takon të pranoni asnjë informatë në lidhje me konsumatorë. Porositë për produkte që bëhen nga konsumatorët e Joy from GjirafaMall mund të refuzohen për çfarëdo arsye dhe porositë e refuzuara nuk kualifikohen për donacion. Ju nuk do të trajtoni apo adresoni kontaktet me ndonjë nga konsumatorët, dhe nëse konsumatorët tanë iu kontaktojnë për çfarëdo çështje që ndërlidhet me Joy from GjirafaMall, ju do t’i njoftoni që ata duhet të ndjekin udhëzimet kontaktuese në Joy from GjirafaMall për të adresuar çështjet e shërbimit për konsumatorë.
Praktikat e papranueshme
1. Iu ndalohet përdorimi i vegëzave të cilat përmbajnë: spyware, malware, virus, trojan apo çfarëdo lloj kodi/programi tjetër kompjuterik të paautorizuar të cilat shkarkohen pa dijeninë e klientëve në pajisjet e tyre teknologjike, gjë që shkon drejt dëmtimit të pronës së klientit.
2. Iu ndalohet përdorimi i linqeve si dhe progameve softverike të cilat rrisin shitjet arificiale në përkrahje të organizatës suaj.
3. Ju nuk mund ti; përdorni reklamimet e produkteve të GjirafaMall brenda faqes tuaj. Megjithatë, iu lejohet shfaqja e linkut në faqen tuaj, e cila është në përputhshmëri me Marrëveshjes së Pjesëmarrjes. Njëkohësisht, ju mund të promovoni pjesëmarrjen tuaj në program përmes rrjeteve të ndryshme sociale dhe emaileve ashtu siç përshkruhet në Dokumentacionin Operativ.
4. Iu ndalohet postimi i vegëzave apo çfarëdo përmbajtjeje tjetër në Joy from GjirafaMall apo në ndonjë faqe tjetër të Gjirafës.
5. Iu ndalohet fshehja, errësimi i adresës në faqet tuaja të internetit, vegëzat të cilat përmbajnë ridrejtim dhe informim të bashkëpunimit në mes të organizatës dhe Joy from GjirafaMall.
Listat e bamirësisë (Lista e Dëshirave) në Joy from GjirafaMall
1. Ju mund të merrni pjesë në Programin e Listës së Dëshirave dhe të jeni pjesë e iniciativës Joy from GjirafaMall pas përfundimit të regjistrimit të organizatës tuaj në program. Programi i Listës i nënshtrohet Marrëveshjes së Pjesëmarrjes në përgjithësi dhe gjithashtu këtij Seksioni 4 ("Politika e Programit të Listës"). Sipas Programit të Listës, ju mund të dërgoni listat e artikujve të disponueshëm nëpërmjet Joy from GjirafaMall, të cilat Joy from GjirafaMall mund t'i shfaq në një kategori të personalizuar dhe t’i promovojë duke përdorur rrjetet sociale si ftesë për konsumatorët dhe ku konsumatorët mund t'i blejnë produktet e vendosura nga ju. Si rezultat, artikujt e Joy from GjirafaMall të blerë nga Lista e juaj do të dërgohen në adresën e paracaktuar nga ju.
2. Ju jeni përgjegjës qe të na ofroni një adresë të saktë në mënyrë që produktet e blera nga Lista e dëshirave tuaja të dërgohen në vendin e duhur. Duke mos kufizuar përgjithësinë e Seksionit 2 të Marrëveshjes për Pjesëmarrje, është obligim i juaj që të përditësoni adresën e Listës, si dhe çdo informacion tjetër të dhënë në lidhje me këtë politikë.
3. Duke marrë pjesë në Programin e Listës, ju pajtoheni se Joy from GjirafaMall ka të drejtë ta ndajë adresën e listës suaj me çdo shitës që ofron produktet e emërtuara nga ju në listë, në mënyrë që konsumatorët tanë t’i zgjedhin produktet, përkatësisht artikujt të cilët do të dërgohen në adresën e organizatës suaj.
4. Në listën e dëshirave të Joy from GjirafaMall, ju nuk mund të vendosni këto artikuj:
  - Gift cards;
  - Produkte digjitale;
  - Abonime të ndryshme;
  - Art që tejkalon vlerën prej 2,000.00 Euro.
  Vlera e produkteve të Listës së dëshirave të cilat kthehen nga organizata, mund të mbetet si kredi nën llogarinë e organizatës për blerje në të ardhmen vetëm në Joy from GjirafaMall.
  
  Ne i rezervojmë të gjitha të drejtat lidhur me pronësinë intelektuale, si dhe të drejtat e tjera pronësore, lidhur me të gjitha produktet e Joy from GjirafaMall. Në bazë të Marrëveshjes për Pjesëmarrje, juve nuk iu takon të fitoni ndonjë interes pronësor në faqen e Listës së dëshirave, si dhe ju nuk do të ndërrmerrni asnjë veprim që bie në kundërshtim me të drejtat tona. Joy from GjirafaMall rezervon të gjitha të drejtat si:
  - Përcaktimi i përmbajtjes;
  - Pamja dhe funksionaliteti; si dhe
  - URL-në dhe të gjitha aspektet e tjera të faqes së Listës së dëshirave, duke përfshirë:
  - Materialet promovuese të Listës së dëshirës; dhe
  - Njoftim dhe promovim i pjesëmarrjes suaj në program.
5. Duke pranuar politikën e programit të Listës së dëshirave, ju pajtoheni se Joy from GjirafaMall ka ekskluzivitet të parevokueshëm dhe të përhershëm për të:
  - Shpërndarë dhe promovuar emrin dhe logon e organizatës suaj, megjithatë, ne nuk do të ndryshojmë përmbajtjen e materialeve të ofruara nga ju, përveç në raste kur duhet të ridizajnohet, riformatizohet, rritet apo zvogëlohet materiali në mënyrë që të ketë një paraqitje sa ma të mirë të mundshme, ndërsa informatat e organizatës mbeten të njëjta në thelb.
6. Të gjitha shërbimet janë në përputhshmëri me Seksionin 12 të Marrëveshjes së Pjesëmarrjes, ashtu që të gjitha infomatat e dhëna nga ju janë përgjegjësia juaj si dhe në përputhshmëri të plotë me Seksionin 4 të Marrëveshjes së Pjesëmarrjes në lidhje me detyrimet e dëmshpërblimit.
7. Ne respektojmë të gjitha ligjet në fuqi në Republikën e Kosovës dhe se për të qenë pjesëmarrës në Joy from GjirafaMall edhe organizata juaj duhet të jetë në përputhshmëri te plotë me Ligjin Nr. 06/L-043 për Lirinë e Asociimit në Organizata Joqeveritare dhe ligjet e tjera në fuqi. Ne rezervojmë të drejtën që të mos ndajmë asnjë informacion të konsumatorëve tanë me juve.
8. Ne mund të ndërpresim ose të pezullojmë pjesëmarrjen tuaj në Program në çdo kohë, pa asnjë shkak apo arsye, duke iu dhënë njoftim me shkrim për pezullim apo ndërprerje. Njëkohësisht, ju mund të ndërprisni pjesëmarrjen tuaj në program në çdo kohë pa asnjë arsye të veçantë.

Kohë pas kohe, ne mund të kërkojmë nga ju informata në mënyrë që të verifikoni informatat e organizatës suaj me Marrëveshjes së Pjesëmarrjes, apo çdo Dokument Operacional, duke përfshirë nëse organizata e juaj vazhdon t’i përmbush rregullat e përcaktuara me Marrëveshjes së Pjesëmarrjes. Ju pajtoheni se do të bashkëpunoni me ne dhe se brenda afatit të caktuar nga ne, ju do të na siguroni dokumentacionet e nënshkruara të cilat do të dorëzohen te ne në formën e kërkuar. Përveç kësaj, ju na jepni lejen që të monitorojmë faqen tuaj në mënyrë që të verifikojmë se organizata juaj është ende në përputhshmëri të plotë me Marrëveshjen për Pjesëmarrje.