L.Z – Prej një 4 vjeçari kur ka filluar të marrë shërbim terapeutik, tashmë me 13 vitet e tij të jetës, është adoleshent e shtathedhun si nxënës i shkollës së mesme të ulët. Vazhdon të ndjek rutinat e shkollës, e duket se më me qef qëndron në orën e pikturës, gjuhës angleze dhe edukatës muzikore.

Në anën tjetër papastëria dhe parregullësia në rrugë, mund ta shqetësojnë si dhe kur ka qenë më i vogël kontinierat e mbeturinave i ka uruar për efektin e tyre mbledhës.
“Dhuna e ndaluar”, fraza që përsërit vazhdimisht kur sheh akte të dhunës të shfaqura në lajmet e mbrëmjes në televizor, të cilat i ndjek rregullisht, për të pasqyruar shpirtin paqësor e dashurinë për njerëzit, energji të cilën dëshiron ta transmetoj tek njerëzit e tjerë. Dhe, jo më kot dy figurat historike që i pëlqejnë dhe kërkon të shfletoj librat e tyre apo të vizitoj shtatoret e tyre, janë Dr. Ibrahim Rugova dhe Nëna Terezë.
Pasioni për pikturën doli të jetë edhe produktiv. Gjatë vitit të kaluar ka arritur të shes numër të konsiderueshëm të pikturave, 27 sosh, duke siguruar kështu vetë shërbimin terapuetik për gjithë vitin 2022. L po rritet e ka filluar të kujdeset për veten edhe financiarisht.