Marka suedeze Kronaby ka dizajnuar orën e mençur që në shikim të parë duket si një orë elegante. Sipërfaqja e saj e brendshme e zezë kombinohet në përsosmëri me akrepat dhe indeksët, si dhe orën e veçantë që shfaqë kohën e botës. Ora është e punuar nga çeliku cilësor me rripa të lëkurës ngjyrë të zezë dhe dukje elegante. Veçoritë e këtij aksesori janë të shumta, duke nisur nga lidhja me një smatphone (por që nuk bën thirrje ose dërgon sms). Në lidhje me një smatphone, mund të pranoni vibrimin nga SMS apo thirrjet, ku edhe mund të anuloni një thirrje të ardhur në telefon. Ju gjithashtu mund të aktivizoni funksionin e kronometrit për matjen e lëvizjeve gjatë ushtrimeve tuaja. Kjo orë është kompatibile me Bluetooth 4.1 dhe më shumë, Android 5.0 dhe më shumë, si dhe iOS 9 dhe më shumë.