Dy dekadat e fundit shënojnë dekadat më të suksesshme të kompozimit të muzikës klasike në historinë e Kosovës. Perkundër cmimeve dhe performancave të veprave të kompozitorëve klasikë Kosovarë në nivel botëror, puna e tyre mbetet e pa dokumentuar dhe jo e njohur për publikun e gjerë. 

“Antologji e Kompozitorëve Kosovarë” - Kompozitorët e rinj- 2000-2020 është një prej librave të parë që përmbledhë veprimtarine muzikore të kompozitorëve të rinj Kosovarë.

Me këtë libër mund të zbuloni 25 vepra muzikore profesionale për një llojlloshmëri të instrumenteve(nga solo piano, muzikë dhome, orkestrale, elektronike mixt etj) nga 25 kompozitorë bashkë me informata biografike, listë të veprave të shquara dhe apjegim/analizë për çdo vepër muzikore.

Botimi i veçantë nga shtëpia botuese “Magmus”(@magmus) poashtu vjen me nje vështrim analitik nga Prof.PhD.Cand.Liburn Jupolli dhe dy veshtrime hyrëse nga profesori/kompozitori i njohur Francez Stephane de Gerando dhe nga profesoresha/ historianja muzikore Prof.ass.Dr.Rreze Kryeziu Breznica.