Kështu lindi kjo autobiografi e mrekullueshme, e gjallë, në të cilën ajo tregon jetën e saj që nga fëmijëria si një vajzë e dobët e zeshkane, e më pas, në rininë e bukur por të pasigurt, e deri në rrugëtimin që do ta çonte këtë rioshe napoletane drejt lavdisë ndërkombëtare.Historia e Loren – it i ngjan më shumë një përralle, bashkë me ballot, sprovat e rëndësishme dhe princat e kaltër. E megjithatë, pas divës së kinemasë, buzëqesh një grua e ndrojtur dhe e vendosur, që ka vuajtur shumë, ka punuar edhe më shumë, ka dashuruar me pasion të vërtetë e me doza të lehta ironie.Ajo na shoqëron në qytezën e saj të shkatërruar nga lufta, në Romën e filmave të parë amerikanë, në Italinë e viteve të arta. Ajo na njeh me Marcello Mastrianni – n dhe Cary Grant – in, Charlie Chaplin – in dhe Audrey Hepburn – in, e shumë të tjerë.Ajo buzëqesh bashkë me ne mbi tapetet e kuqe në Hollyëood, Cannes dhe Berlin. Ajo na shpie edhe pas perdeve, ku rreh zemra e saj prej bashkëshorteje, nëne, gjyshe, përreth një familjeje, të cilën e ka konsideruar gjithmonë si filmi i saj më i mirë. I shkruar me zemër, ky libër është një udhëtim entuziazmues në historinë e kinemasë, një roman plot me jetë; një ëndërr që një ditë u bë realitet.