FLUTURAKU I KOHES - STEFANO BENNI
9.00 €
Përshkrimi
Janë vitet pesëdhjetë dhe, ndërsa zgrep në një vresht një veshak stërkalamushti, Ujkoshi, kështu e quajnë, sheh një burrë, me kokën në re, mjekrën shtëllungë dhe një qen të rrëgjuar përbri. Një Zot?Një hyjni pagane të madhe e të fëlliqur si gjiriz, që i dhuron për tërë jetën, një dhunti të mrekullueshme: një orë të brendshme, një orëmagjike, madje, që do t’i japë mundësi të fluturojë përpara në kohë, të shohë atë që do të ndodhë në botë dhe njëherësh të jetojë kohën e tij, mes parandjenjash dhe zbulesash. Kësisoj, Ujkoshi bëhet Fluturak i kohës, rritet i çartur e luftarak.Nga lufta partizane te Gjashtëdhjeteteta, nga lindja e televizionit te koha heroike e rokut, nga dashuria e parë te shoku i parë i humbur, teksa e bren profecia e një krimi që ndoshta do të kryhet: është koha e ndryshimeve, e qytezave që humbasin identitetin për t’u bërë xhepa autostradash, e lindjes dhe e rritjes së makutërisë dhe padronëve të rinj, koha e konsumizmit që po përparon, e shndërrimeve të politikës dhe të botës.A do të arrij Fluturaku të mos përfshihet nga kjo molepsje e përgjithshme e shoqërisë? Çfarë do ta ndihmojë atë që t’i mbijetojë “kohës së ndryshimeve”? Stefano Benni na kujton, një herë më shumë, se ka ende alternativa ndaj cinizmit dhe makutërisë që na imponon shoqëria bashkëkohore dhe se idealet, sado fëmijërore të jenë, kanë ende një funksion parësor: atë të frymëzimit për një të ardhme më të mirë.Lexuesit e mirë, që duan të dalin nga skemat shoqërore, strukturale apo edhe thjesht mendore. I përkthyer në mbi dhjetë gjuhë të botës, “Fluturaku i kohës” është një nga titujt më të pëlqyer të autorit bashkëkohor italian Stefano Benni.
Cilësitë
Faqe | 330 |
Shtëpia botuese | Pegi |
Viti i botimit | 2012 |
Autori | STEFANO BENNI |
GTIN | 9789928162120 |
Kodi i produktit | 9789928162120 |
Vlerësimet0
(0 vlerësime)
Nuk ka ende asnjë vlerësim