Kjo është historia prekëse e Teto Bonarisë, rrobaqepëses së vjetër, që merr një bijë për shpirt, pikërisht Marian e vogël. Jeta e tyre do të rridhte e qetë, e përzier herë pas here me skandalet e vogla dhe thashethemet e pashmangshme të një komuniteti të vogël si ai i Sorenit.Por diçka e rëndësishme turbullon ujërat e vakëta të fshatit dhe jeta e Marias tronditet pakthyeshmërisht. Ajo do të gjendet para një dileme, dhe vetëm një jehonë e largët dhembshurie e dashurie do të mund t'ia tregojë rrugën e drejtë. Në këtë roman, sekretet e dëshirat e zemrës të së resë përzihen me tëfshehtat e një të moshuare; në këtë alkimi shekullore gjejmë edhe paragjykimet, vështrimet vjedhacake, lakmitë e naivitetet e ishullorëve sardenjas, që falë izolimit të tyre gjeografik, ngjajnë kaq shumë me shqiptarët.